प्रधानमन्त्री ओली चीन जानुअघि आरजुले चीनको भ्रमण गर्ने
काठमाडौं– परराष्ट्रमन्त्री आरजु राणा देउवा चिन भ्रमणका लागि जाने भएकी छिन् । समकक्षी वाङ यी को निमन्त्रणमा उनी चीनको राजधानी उड्न लागेकी हुन् ।
प्रधानमन्त्री केपी शर्मा ओलीले मंसिर तेस्रो साता गर्ने चीन भ्रमण गर्दैछन् । यसको तयारीका लागि राणा मंसीर १३ मा बेइजिङ जान लागेको परराष्ट्र मन्त्रालय स्रोतले बताएको छ ।
उनले सोमबार चिनियाँ राजदूत चेन सोङसँग मन्त्रालयमा छलफल गरेकी थिइन् । यस्तै मंगलबार परराष्ट्र मन्त्रालयमा सचिव लगायत विभिन्न कर्मचारीलाई बोलाएर उनले भ्रमण तयारीका लागि छलफल गरेकी थिइन् ।