कोटेश्वरमा मोटरसाइकलको ठक्करबाट पैदलयात्रीको मृत्यु
काठमाडौं– कोटेश्वरको भाटभटेनीस्थित सडकमा मोटरसाइकलको ठक्करबाट एक पैदलयात्रीको मृत्यु भएको छ ।
बागमती प्रदेश ०२–०२० प ५१७७ नम्बरको मोटरसाइकलको ठक्करबाट पैदलयात्रीको मृत्यु भएको हो । मृतकको अहिलेसम्म परिचय भने खुल्न नसकेको प्रहरीले जनाएको छ ।
मंगलबार राति अन्दाजी ४० वर्षीय पुरुष मोटरसाइकलको ठक्करबाट गम्भीर घाइते भएका थिए । उनको उपचारकै क्रममा राष्ट्रिय ट्रमा सेन्टरमा मृत्यु भएको हो ।
प्रहरीले मोटरसाइकल चालकलाई नियन्त्रणमा लिएर अनुसन्धान अघि बढाएको छ ।