विजयको फिल्म चल्दा म निकै खुशी छुः दयाहाङ राई

नायक दयाहाङ राई अभिनित फिल्म ‘कबड्डी ४’ले बक्स अफिसमा बम्पर व्यापार गर्यो । यो फिल्मले २२ करोडको ग्रस कलेक्शन गर्दै नयाँ रेकर्ड बनायो । यो फिल्ममा नायक दयाहाङ राई र कलाकार विजय बरालको मुख्य भूमिका छ ।

अहिले, नायक विजय बरालको मुख्य भूमिका रहेको फिल्म ‘पुर्ण बहादुरको सारङ्गी’ले नयाँ रेकर्ड बनाएको छ । यो फिल्मले बक्स अफिसमा रिलिजको १४ दिनमा २५ करोड माथिको कलेक्शन गरिसकेको छ ।

दयाको रेकर्ड तोडेका विजय बरालको अहिले सर्वाधिक चर्चा छ । आफूले बनाएको रेकर्ड विजयले तोड्दा दया भने के सोचिरहेका होलान् ?

फिल्म हेर्न पुगेका दयाले भने–‘मलाई त यति आनन्द लागेको छ कि । मैले जब बिजयलाई देख्थेँ । १७ बर्षदेखि उसले अभिनय नै गथ्र्यो । अभिनय भन्दा बाहेक उसले केही गरेको थिएन । यो उसको लगनशीलता हो, आफ्नो कामप्रतिको इमान्दारिता हो । यो उसले पाएको मुल्य हो । यो हुनु थियो एक दिन, अझै हुनेछ ।’

कलाकार विजय बराल मुख्य भूमिकामा रहेको यो फिल्मे ऐतिहासिक व्यापार गरेसँगै उनी सर्वाधिक कमाई गर्ने फिल्मको नायक बनेका छन् । अब, उनको यो रेकर्ड तोड्न अन्य नायकहरुलाई सहज नहुने देखिएको छ ।