सामाजिक सञ्जालमा चरित्र हत्या गर्दा महिला पक्राउ
काठमाडौं– साइबर अपराधको आरोपमा कैलालीकी एक महिला पक्राउ परेकी छन् । धनगढी उपमहानगरपालिका–१३ की कुमारी जानकीलाई जिल्ला प्रहरी कार्यालय सुर्खेतको सहयोगमा पक्राउ गरिएको हो ।
उनलाई सुर्खेतबाट पक्राउ गरी केन्द्रीय साइबर ब्यूरो ल्याइएको प्रहरीले जनाएको छ।
पक्राउ परेकी महिलाविरुद्ध साइबर अपराधको कसुरमा काठमाडौं जिल्ला अदालतबाट ५ दिनको म्याद लिएर अनुसन्धान अघि बढाइएको ब्यूरोका एसपी तथा प्रवक्ता दीपकराज अवस्थीले जानकारी दिए ।
उनले सामाजिक सञ्जालमार्फत एक महिलाको चरित्र हत्या गरेको आरोप छ । पीडित महिलाले ब्यूरोमा जाहेरी दिएपछि प्रहरीले उनलाई पक्राउ गरेको हो ।