एमएसएममा भोलिबाट सार्वजनिक हुँदै ‘अगस्त्य’
गतबर्षको सर्वाधिक चर्चित फिल्म ‘अगस्त्य’ अब ओटीटी प्लेटफर्ममा रिलिज हुने भएको छ । भोलिबाट यो फिल्म ‘एमएसएम एप’मा रिलिज हुन लागेको हो ।
हलमा समेत दर्शकको सुखद साथ पाएको यो फिल्मलाई ओटीटीमा पनि दर्शकले पनि रुचाउने विश्वास गरिएको छ ।
सौरभ चौधरीको निर्देशनमा तयार भएको यो फिल्ममा सौगात मल्ल, नाजिर हुसेन, मलिका महत्त लगायतका कलाकारहरुको अभिनय छ ।
बजारमा आएको छोटो समयमा नै ‘एमएसएम एप’ लोकप्रिय बनिरहेको छ । यो एप दशैंको टिकाको अघिल्लो दिन बजारमा आएको थियो । हालसम्म २ लाख भन्दा बढी पटक एप डाउनलोड भइसकेको छ ।
यो एपमा ‘बेहुली फ्रम मेघौली, दिमाग खराब, महाजात्रा र घर ज्वाई’ सार्वजनिक भइसकेका छन् । आउँदो शुक्रबार यो एपबाट फिल्म ‘फर्की फर्की’ सार्वजनिक हुँदैछ भने फिल्म ‘बगान’ पनि सार्वजनिक गर्ने तयारी गरिएको छ ।