स्कुल बसको ठक्करबाठ पाँच वर्षीय बालिकाको मृत्यु

सुर्खेत– स्कुल बसको ठक्करबाट सुर्खेतमा शुक्रबार बिहान एक बालिकाको मृत्यु भएको छ । वीरेन्द्रनगर नगरपालिका–१, त्रिपुरेश्वरमा सनसाइन एकेडेमी स्कुलको बसले ठक्कर दिँदा बालिकाको मृत्यु भएको हो ।

बसको ठक्करबाट अन्दाजी ५ वर्षीय बालिका समीक्षा सुनारको मृत्यु भएको जिल्ला प्रहरी कार्यालय सुर्खेतले जनाएको छ । कर्णाली प्रदेश ०२००१ क ००६८ नम्बरको सनसाइन एकेडेमी बोर्डिङ स्कुलको बसले ठक्कर दिँदा बालिकाको घटनास्थलमै मृत्यु भएको हो ।

घटनावपछ चालक र गाडीलाई प्रहरीले नियन्त्रणमा लिएका छन् । बालिकाको शव घटनास्थलमै रहेको छ । घटनाबारे थप विवरण आउन बाँकी रहेको सुर्खेत प्रहरीले जनाएको छ ।