अब ‘महानायक’ भन्नेलाई दीपकले फेसबुकबाट ब्लक गर्ने
हाँस्य कलाकार तथा निर्माता दीपकराज गिरीले आफूलाई ‘महानायक’ भन्नेलाई फेसबुकबाट ब्लक गर्ने चेतावनी दिएका छन् ।
सामाजिक संजालमा उनले लेखेका छन्–‘आजबाट जस–जसले मलाई महानायक सम्बोधन गर्नुहुन्छ, उहाँलाई मेरो फेसबुकमा ब्लक गर्दैछु । यो पद न मैले कहिले दाबी गरेको थिएँ, न गर्नेछु । तर, मैले बारम्बार भन्दा पनि भेडापन्थी देखाउने मानिस कमसेकम मेरो फेसबुकमा जोडिन सक्दैन । फरक बिचार स्वागत, असभ्यता अस्विकार ।’
दीपकले बारम्बार सामाजिक संजालमा ‘महानायक’ भन्दै आफूलाई मजाक बनाइएपछि फेसबुक प्रयोगकर्तालाई यस्तो चेतावनी दिएका हुन् ।
विशेषगरि, निर्देशक दीपाश्री निरौलाले राजेश हमालको बिषयमा दिएको एक बयान विवादित बन्यो । यसपछि भने दीपकलाई सामाजिक संजाल प्रयोगकर्ताले ‘महानायक’ भन्दै ट्रोल गर्ने गरेका छन् ।