एक हजारले बढ्यो सुनको भाउ

काठमाडौं– नेपाली बजारमा सोमबार सुनको मूल्य तोलामा एक हजार रुपैयाँले बढेको छ ।

केही दिनदेखि लगातार घटिरहेको सुनको मूल्य आज तोलामा एक हजार रुपैयाँले बढेको हो । सोमबारका लागि प्रतितोला सुनको मूल्य एक लाख ६१ हजार रुपैयाँ तोकिएको नेपाल सुनचाँदी व्यवसायी महासङ्घले जनाएको छ ।

यस्तै चाँदीको भाउ तोलामा १५ रुपैयाँले बढेको छ । आज चाँदी प्रतितोला एक हजार नौ सय २० रुपैयाँमा कारोबार भइरहेको छ ।