कस्तो छ ‘पुष्पा २’ को ट्रेलर ?
डिसेम्बर ५ तारिखबाट रिलिजमा आउन लागेको दक्षिण भारतीय फिल्म ‘पुष्पा २’को ट्रेलर सार्वजनिक भएको छ । अल्लु अर्जुन, रश्मीका मन्दना, फहाद फासिल लगायतका कलाकारहरुको अभिनय रहेको यो फिल्ममा सुकुमारको कथा, पटकथा तथा निर्देशन छ ।
यो फिल्मको पहिलो भागले बक्स अफिसमा तहल्का मच्चाएको थियो । ‘पुष्पा २’ले विश्व बजारमा सुनामी ल्याउने अपेक्षा गरिएको छ ।
फिल्मको ट्रेलर अल्लु अर्जुनकै वरिपरी घुमेको छ । फिल्मको ट्रेलरमा अल्लु र रश्मीका विचको प्रेमलाई पनि देखाइएको छ । फिल्मको मेकिङ उच्च देखिएको छ । यो फिल्मलाई विश्वभरका दर्शकले प्रतिक्षा गरिरहेका छन् ।
यसैले, अल्लु अर्जुनको यो फिल्मले विश्व बजारबाट १५ सय करोडको कमाई गर्ने प्रक्षेपण गरिएको छ । नेपालमा पनि यो फिल्मले आक्रामक व्यापार गर्ने अनुमान छ । फिल्मलाई ४ करोड भारतीय रुपैयाँमा नेपाल भित्राइएको छ ।