फिल्ममा थपियो चुनौती, पल शाह भिडियोमा व्यस्त

यो बर्ष नायक पल शाहले अभिनय गरेका दुई वटा फिल्म रिलिज भइसकेका छन् जसमध्ये फिल्म ‘पुजार सार्की’ले सुखद कमाई गर्दा पल शाहको राम्रै चर्चा भयो । तर, फिल्ममा उनको भूमिका खासै धेरै थिएन ।

फिल्म हेर्न हलमा पुगेका दर्शकले भने नायक प्रदिप खड्काको कामको तारिफ गरे । तर, पलका लागि यो बर्ष फिल्म ‘रावायण’ले सुखद कमाई गरिदिएको भए फाइदा हुने थियो । तर, भैदियो उल्टो । यो फिल्म बक्स अफिसमा असफल भयो । जसकाकारण, नायक पल शाहलाई घाटा लाग्यो । पलको चर्को आलोचना पनि भयो । फिल्मका लागि मिहिनेत नगरेको भन्दै पलको आलोचना चर्को भयो ।

दशैंयता नेपाली फिल्मको बजार फेरिएको छ । फिल्मले बक्स अफिसमा आक्रामक कमाई गरिरहेका छन् । यस्तो अवस्थामा नायक पल शाहको हातमा फिल्म भन्दा म्युजिक भिडियोको संख्या बढी छ । उनी, दैनिकजसो म्युजिक भिडियोको प्रचार नै बढी गरिरहेका छन् ।

पलले अभिनय गरेका भिडियोले दर्शकको साथ पनि पाइरहेका छन् । तर, नायक शाहको फिल्मी करिअर भने अब कसरी अगाडि बढ्छ हेर्न बाँकी छ । किनभने, अब कुनै पनि फिल्मले २–४ करोड ग्रस गरेर दर्शकको आखा नलाग्ने निश्चित छ । यस्तो अवस्थामा फिल्मको रोजाइमा पल शाह गम्भिर बन्न आवश्यक छ । तर, पल भने भिडियो सफल भएको खुशीमा केक काटेर रमाइरहेका छन् ।