‘सत्यवीर’मा प्रकाशको ‘एङ्ग्री अवतार’
फिल्म ‘रावायण’मा काम गरेपछि कलाकार प्रकाश शाहको चर्चा राम्रै भयो । उनको अभिनयले दर्शक तथा समिक्षकको मन जित्यो ।
अब, प्रकाशको करिअर दौडिन थालेको छ । उनी, विराज खड्काको निर्देशनमा तयार हुन लागेको फिल्म ‘सत्यवीर’को मुख्य भूमिकामा अनुबन्धित भएका छन् ।
सार्वजनिक लुक्समा प्रकाश एङ्ग्री अवतारमा देखिएका छन् । ‘लभ स्टेशन, साङ्लो’ जस्ता फिल्ममा काम गरेपनि उनी खासै नोटिस भएका थिएनन् । तर, ‘रावायण’ले उनलाई नयाँ उचाइमा लैजाने देखिएको छ ।
गडरेज पिक्चर्सको निर्माणमा तयार हुन लागेको यो फिल्ममा प्रदीप चौधरी मुख्य अभिनेताको रुपमा अनुवन्धित भइसकेका छन् । आदेश सुब्बाको निर्माणमा तयार हुन लागेको फिल्मको छायांकन डिसेम्बरबाट सुरु हुनेछ । यो फिल्ममा ४० प्रतिशत भीएफएक्स नै प्रयोग गरिने निर्माणपक्षले जनाएको छ ।
यो फिल्मको छायांकन काठमाडौं र चितवनमा हुनेछ । साढे २ करोडको बजेटमा यो फिल्म निर्माण हुनेछ । एक्सन थ्रीलर कथामा यो फिल्म बन्न लागेको हो ।