ओटीटी प्लेटफर्म एमएसएममा शुक्रबारदेखि रिलिज हुँदै ‘फर्की फर्की’
एमएसएम एपमा नेपाली फिल्म ‘फर्की फर्की’ रिलिजमा आउने भएको छ । सुयोग गुरुङको निर्देशनमा रोहित अधिकारीको निर्माण रहेको फिल्म शुक्रबारदेखि ओटीटीमा रिलिज हुन लागेको हो ।
दशैंको टिकाको अघिल्लो दिनबाट बजारमा आएको एमएसएममा नयाँ नयाँ नेपाली फिल्महरु धमाधम रिलिज भइरहेका छन् । यही क्रममा जेठको १० गतेबाट हलमा लागेको फिल्म ‘फर्की फर्की’ पनि ओटीटी प्लेटफर्ममा रिलिज हुन लागेको हो।
टाइम लुपको कथामा निर्माण भएको फिल्मलाई दर्शकले रुचाएका थिए । विश्व बजारमा पनि यो फिल्मले तहल्का मच्चाएको थियो । फिल्ममा अनमोल केसी, जसिता गुरुङ लगायतका कलाकारहरुको मुख्य भूमिका छ ।
एमएसएम ओटीटी प्लेटफर्ममा ‘बेहुली फ्रम मेघौली, अगस्त्य, दिमाग खराब, महाजात्रा, घर ज्वाइँ’ लगायतका फिल्महरु रिलिज भइसकेका छन् ।