प्रिमियरमै मख्ख उषा, फिल्मको अफर भने छैन

नेपाली फिल्ममा काम गर्ने सपना धेरै यूवायूवतीको हुन्छ । अझ, म्युजिक भिडियोमा चल्न थालेपछि उनीहरुको चाहना फिल्ममा काम गरौं, स्टार बनौं भन्ने नै हुन्छ । तर, सबैको भाग्य पनि कहाँ हुन्छ र ?

अब, नायिका उषा उप्रेतीलाई नै हेर्नुहोस् त । उनीसँगै आएका थुप्रै मोडलहरु फिल्मका नायिका भइसकेका छन् । उषालाई पनि नायिका हुन मन नलागेको त कहाँ हो र ? तर, उनलाई फिल्मको अफर नै गएको छैन ।

गरिमा शर्मा, सनिषा भट्टराई लगायतका सहकर्मीले ठूलो पर्दामा काम गरिसक्दा उषालाई पनि फिल्ममा काम गरौं भन्ने लागेको त होला । तर, फिल्मको अफर नै नगएपछि कसको के लाग्छ र ?

उषा अहिले फिल्मको अफर नगएपनि फिल्मको प्रिमियरमा भने धमाधम पुग्न थालेकी छिन् । उनलाई हिजोआज फिल्मको प्रिमियरमा खुबै देख्न पाइन्छ ।

उषा निर्देशक दिवाकर भट्टराई र नायक राज कटुवालसँग नजिक छिन् । तर, राज र दिवाकरले नै बनाएको फिल्म ‘नरसिंहाः अवतार’मा उनले अवसर पाइनन् ।

उनलाई अब अफर कसले गर्ला त खै ? एउटा राम्रो फिल्ममा काम मात्र गर्न पाउने हो भने पनि उषाको करिअरलाई फाइदा पुग्नेछ । तर, सुरुवात कसले गर्ला ? उषाको करिअर प्रिमियरमा पुगेर मात्र त वित्ने होइन नी ?