काठमाडौंका तीन ठाउँमा प्रदर्शन, ५ हजारभन्दा बढी प्रहरी खटाईदै
काठमाडौं– आज काठमाडौंका विभिन्न तीन ठाउँमा विभिन्न समूहले प्रदर्शन गर्दैछ। आज एक लाख कार्यकर्तालाई सडकमा उर्ताने उद्देश्यसहित एमालेले दरबारमार्गमा प्रदर्शन गर्दैछ । एमालेले भद्रकालीबाट र्याली निकालेर सुन्धारा, वीर अस्पताल, रत्नपार्क घन्टाघर हुँदै जागरण सभाका लागि दरबारमार्ग पुग्नेछ।
माइतीघरमा केही दिन अघिदेखि नै सहकारी पीडितहरूको प्रदर्शन जारी छ। आजै मेडिकल व्यवसायी दुर्गा प्रसाईँ समूहले कोटेश्वरमा प्रदर्शन गर्दैछ ।
एकैदिन तीन ठाउँमा फरक फरक समूहको प्रदर्शन हुने भएपछि शुक्रबार काठमाडौंको सुरक्षा व्यवस्था कडा पारिएको छ। आम नागरिकको जनजीवन सहज र सुरक्षित बनाउन शुक्रबार ५ हजार भन्दा बढी प्रहरी खटाउन लागेको जिल्ला प्रहरी कार्यालयले जनाएको छ ।
त्यस्तै ट्राफिक व्यवस्थापन सहज बनाउन ५ सयभन्दा बढी ट्राफिक प्रहरी खटाइने भएको छ । प्रहरीले लगातार पेट्रोलिङ गर्ने र कतै अप्रिय घटना नहोस् भनेर सतर्क रहेको प्रहरीको दाबी छ ।