भारतहुँदै निःशुल्क विदेश पठाउने भन्दै युवतीहरु बेच्न खोज्ने पक्राउ
चितवन– भारतको बाटो हुँदै विदेश पठाउने भन्दै मानव बेचबिखनको प्रयास गरेको आरोपमा प्रहरीले एक पुरुषलाई पक्राउ गरेको छ ।
पाँच युवतीलाई बेचविखन गर्न लागेको भन्दै ४४ वर्षीय पुरुषलाई जिल्ला प्रहरी कार्यालय चितवनले पक्राउ गरेको हो । पक्राउ पर्नेमा मकवानपुरको हेटौँडा उपमहानगरपालिका १४ का राजु भन्ने ४४ वर्षका राजकुमार थिङ रहेका छन् ।
निःशुल्क विदेश पठाउने भन्दै सुनौली जाने बसमा चढाउन लाग्दा चितवन प्रहरीको टोलीले थिङलाई नियन्त्रणमा लिएको हो । यस्तै पाँच युवतीको उद्धार गरेको चितवनका प्रहरी एसपी प्रवक्ता गौतम मिश्रले जानकारी दिए ।