बुबाको हत्या गरेर छोरा फरार

रुकुम पश्चिम– धारिलो हतियार प्रहार गरेर रुकुम पश्चिममा छोराले आफ्नै बुबाको हत्या गरेका छन् । आठबिसकोट नगरपालिका–१० घारीखोलाका २० वर्षीय वीरबहादुर खत्रीले ५० वर्षीय बुबा दर्वे खत्रीको हत्या गरेको रुकुम पश्चिम प्रहरीले जनाएको छ ।

प्रहरीका अनुसार उक्त घटना आइतबार राति ८ बजेतिर घटेको हो । बाबुछोराबीच सामान्य विवादका क्रममा वीरबहादुरले बुबामाथी चक्कु प्रहार गरेको प्रहरीको दाबी छ ।

बुबाको हत्यापछि वीरबहादुर फरार रहेका छन् । उनको प्रहरीले खोजी गरिरहेको छ ।