काठमाडौं– भक्तपुरको गठ्ठाघर चोकमा ट्रकले स्कुटरलाई ठक्कर दिंदा एक जनाको मृत्यु भएको छ भने एक जना घाइते भएका छन् ।
भक्तपुरबाट काठमाडौंतर्फ जाँदै गरेको ना ८ ख २३११ नम्बरको १२ चक्के ट्रकले सोही दिशातर्फ गइरहेको बा.प्र. ०२–०३८ प ४४०१ नम्बरको स्कुटरलाई ठक्कर दिएको थियो । आज बिहान ७ बजे भएको उक्त दुर्घटनाबाट एक महिलाको मृत्यु भएको छ।
४१ वर्षीया नवीना देउलाको उपचारको क्रममा भक्तपुर इन्टरनेशनल अस्पतालमा बिहान पौने ८ बजे मृत्यु भएको हो । दुर्घटनामा नवीनाका श्रीमान् जिते देउला घाइते छन् । उनको उपचार नागरिक अस्पतालमा भइरहेको छ ।
स्कुटरलाई ठक्कर दिँदा ट्रक चालक मकवानपुरगढी–४ का ३८ वर्षीय बुद्धबहादुर घलानलाई प्रहरी वृत्त ठिमीले नियन्त्रणमा लिएको छ ।
प्रतिक्रिया