प्रमोद खरेलको स्वरमा ‘किन रून हुन्न र मर्दले’ सार्वजनिक

काठमाडौं– बहुचर्चित गायक प्रमोद खरेलको स्वर रहेको ‘किन रूनु हुन्न र मर्दले’ बोलको गीतको म्युजिक भिडियो रिलिज गरिएको छ । आरजे समेत रहेका राम शर्माका शब्द सृजना रहेको गीतमा संगीत रोशन सिंहले भरेका छन् ।

विशाल निरौलाको एरेन्ज रहेको छ । विक्रम बुढाथोकी र एलिना रायमाझीको अभिनय रहेको भिडियोमा प्रेम, रोमान्स र विरहले भरिएको छ । एक विवाहित जोडीले भोगेको आर्थिक संकटलाई निर्देशक बिक्रम चौहानले कलात्मक शैलीमा भिडियोमा देखाएका छन् ।

जहाँ एलिना र बिक्रम गज्जबसँग खुलेका छन् । बुद्ध थापाको छायांकन रहेको भिडिओलाई लक्ष्मण चौहानले सम्पादन गरेका छन्। भिडियोको निर्माण लोकप्रिय संचारकर्मी लक्ष्मण शर्माले गरेका हुन् । संचारकर्मी शर्मा आर्टिस्ट खबरका समाचार प्रस्तोता समेत हुन् । भिडिओ आरएल क्रियशन युट्युब च्यानलबाट बजारमा आएको हो ।