नलगाडको उपप्रमुखमा माओवादीकी लामिछाने निर्वाचित

काठमाडौं– जाजरकोटको नलगाड नगरपालिकाको उपप्रमुखमा नेकपा माओवादी केन्द्रकी देवका लामिछाने निर्वाचित भएकी छन् ।

४ हजार २७२ मत प्राप्त गर्दै लामिछाने निर्वाचित भएकी हुन् । उनकी निकटतम प्रतिद्वन्द्वी नेपाली कांग्रेसकी इन्द्रा चन्द सिंहले ३ हजार १४७ मत प्राप्त गरिन् ।

यस्तै एमालेकी उम्मेदवार सुनिता बोहराले २ हजार ५४२ र राष्ट्रिय स्वतन्त्र पार्टीकी पार्वती पुनले १७९ मत प्राप्त गरेका थिए ।

जीप दुर्घटनामा नलगाडकी उपप्रमुख सरिता सिंहको निधन भएपछि त्यहाँ उपनिर्वाच भएको हो । स्वर्गीय सिंह नेपाली कांग्रेसबाट ५ हजार ४०६ मतका साथ निर्वाचित भएका थिए ।