मोरङको ग्रामनाथमा माओवादीका नमोनारायण विजयी

विराटनगर— मोरङको ग्रामथान गाउँपालिका अध्यक्षमा नेकपा माओवादी केन्द्रका नमोनारायण माझी विजयी भएका छन् । निकटतम् प्रतिस्पर्धी कांग्रेसका बलराम सरदार थारूलाई हराउँदै माझी ६ हजार ९ सय ६९ मतका साथ विजयी भएका हुन् । थारूले भने ५ हजार ३ सय ३३ मत प्राप्त गरे ।

यस्तै तुलसी राम विश्वासले ४ हजार १ सय ५९ मत पाउँदा राप्रपाका दिनेशकुमार थन्दारले ५ सय ५५ मत ल्याए ।

२०७९ को स्थानीय तह निर्वाचनमा यस पालिकाको अध्यक्षमा कांग्रेस विजयी भएको थियो । कांग्रेसबाट निर्वाचित जयप्रकाश गच्छदारको निधनपछि उपनिर्वाचन भएको हो ।