स्थानीय तह उपनिर्वाचनः चार स्थानको अन्तिम नतिजा आउन बाँकी

काठमाडौं– ४१ पदमा भएको स्थानीय तह उपनिर्वाचनमध्ये चार स्थानको अन्तिम नतिजा आउन बाँकी रहेको छ । आइतबार भएको उपनिर्वाचन अन्तर्गत ३७ स्थानको अन्तिम नतिजा सार्वजनिक भैसकेको निर्वाचन आयोगले जनाएको छ ।

यस्तै कीर्तिपुर नगरपालिका, दोलखाको गौरिशंकर गाउँपालिकाको उपाध्यक्ष र हुम्लाको सर्केगाड गाउँपालिका उपाध्यक्ष पदको मतगणना जारी छ । उदयपुरको वेलका वडानम्बर ९ को मतगणना भने स्थगित भएको छ ।

जारी मतगणनामा कीर्तिपुरको मेयरमा कांग्रेस उम्मेदवार अगाडी छन् भने दोलखाको गौरिशंकरमा माओवादी उम्मेदवार, हुम्लाको सर्केगाड गाउँपालिकामा माओवादी र वेलकाको प्रारम्भिक मतगणनामा माओवादीको अग्रता रहेको छ ।