गायक प्रकाश सपुतले नायकको रुपमा फिल्म ‘परदेशी २’बाट इन्ट्री गरे । यो फिल्म बक्स अफिसमा सुपरहिट भयो । उनले नै अभिनय गरेको फिल्म ‘पुर्ण बहादुरको सारङ्गी’ले बक्स अफिसमा हंगामा मच्चाइरहेको छ ।
उनै, प्रकाशको हातमा फिल्मको लामो लाइनअप देखिएको छ । उनलाई फिल्ममा लिनका लागि निर्माताहरुमा पनि हानथाप देखिन्छ ।
प्रकाशले रोहित अधिकारीको निर्माण तथा मिलन तामाङको निर्देशनमा बन्न लागेको फिल्म ‘माइतीघर’मा पनि काम गर्ने पक्का भएको छ । यो फिल्ममा उनी नायिका उपासना सिंह ठकुरीको जोडीको रुपमा देखिदैछन् ।
उनले, फिल्म ‘सोल्टिनी’मा पनि काम गर्दैछन् । यो फिल्मलाई निर्देशक अर्जुन सुवेदीले निर्देशन गर्दैछन् । फिल्ममा प्रकाशको जोडीको रुपमा परिक्षा लिम्बुले काम गर्ने पक्का भएको छ ।
प्रकाश आफै फिल्म ‘बसन्त’को निर्देशन गरिरहेका छन् । यो फिल्म चैत्रको २३ गतेबाट रिलिजाम आउनेछ ।
वुझिएअनुसार, प्रकाशले रोहितको फिल्म ‘माइतीघर’को छायांकन सकेर आफ्नै होम प्रोडक्सनको फिल्म पनि गर्ने तयारी गरेका छन् । यो फिल्मको हाल कथामा काम भइरहेको छ । यसरीहेर्दा, प्रकाश अर्को बर्ष पनि व्यस्त हुने देखिन्छ ।
प्रतिक्रिया