काठमाडौं– बिहीबारदेखि हलमा अल्लू अर्जुनको फिल्म ‘पुष्पा २: द रुल’ प्रदर्शनमा आएको छ । फिल्म प्रदर्शनमा आएदेखि नै नेपालका बिहान ४ बजेदेखी अबेर रातिसम्मका शो हाउसफूल भएका छन् ।
यस्तै लामो समयदेखि अल्लु अर्जुन र रश्मिका मन्दाना स्टारर फिल्म ‘पुष्पा २’ पर्खिरहेका दर्शकले हलमा पुगेपछि सरप्राइज पाएका छन् । किनभने चर्चित दक्षिण भारतीय फिल्म ‘पुष्पा’को तेसो श्रृंखला निर्माणको घोषणा भएको छ । फिल्मको पोस्ट–क्रेडिट दृश्यमार्फत निर्माताले ‘पुष्पा ३’ आउने जनाएका हुन् । तेस्रो श्रृंखलाको नाम राखिएको छ– पुष्पा ३: द र्याम्पेज ।
निर्देशक सुकुमारले फिल्मका प्रमुख पात्र पुष्पराजको यात्रा तेस्रो श्रृंखला देखाउने भएपछि दर्शकलाई थप अधैर्य तुल्याएका छन् । ‘पुष्पा ३ : द र्याम्पेज’ को घोषणासँगै यो फिल्म भारतीय फिल्मको अर्को प्रतीक्षित प्रोजेक्ट हुने निश्चित भएको छ ।
प्रतिक्रिया