गायक दुर्गेश थापाको व्यस्तता फिल्मका गीतसंगीतमा पनि बढेको छ । फिल्मका गीतमा संगीत र स्वर दिन थालेपछि दुर्गेशले आफू सुध्रिएको बताउँदै आएका छन् । तर, स्टेज कार्यक्रममा भने उनी कुनै न कुनै रुपमा आफ्ना दुश्मनहरुलाई कटाक्ष गरिरहेका छन् ।
हालै मात्र एक महोत्सवमा पुगेका गायक दुर्गेश थापाले दुश्मन त हेरेको हेरै भन्दै चेतावनी दिएका छन् । उनले भनेका छन्–‘आज भोलि फिल्मतिर दुर्गेशको गीत हिट छ । हेर्दै जा भाई इन्डष्ट्रीमा को चाही धेरै टिक्छ ।’
उनले, खर्च भएर नै यहाँ चर्चा भएको समेत बताएका छन् । केही दिन अगाडि नायक पल शाहले एक अन्तरवार्तामा गायक दुर्गेश थापाको तारिफ गरेका थिए । उनले, दुर्गेश निकै राम्रो गायक भएको र स्टेजमा पनि जमिरहेको तर्क गरेका थिए ।
तर, पलको यो भनाइलाई दुर्गेशले स्विकार गरेका छैनन् । उनले स्टेजबाट बारम्बार पललाई यही बिषयमा कटाक्ष गर्दै आइरहेका छन् ।
यसपटक पनि दुर्गेशले पल शाहमाथि कटाक्ष गरेको प्रष्ट छ । उनले, घुमाउरो शैलीमा पललाई फिल्म लाइनमा अब आफू पनि हिट भएको भन्दै को बढी टिक्छ भनेर चेतावनी दिएका छन् ।
प्रतिक्रिया