तेस्रो सातामा प्रवेश गरेको फिल्म ‘तेल भिसा’ केही हलमा खुम्चिएको छ । भारतको ठूलो फिल्म ‘पुष्पा २’ले नेपाली हलमा कब्जा गरेपछि ‘तेल भिसा’ खुम्चिएको हो । तर, पनि यो फिल्म हेर्ने दर्शकको संख्या सुखद नै मान्नुपर्छ ।
‘पुष्पा २’का कारण शोज खुम्चिएपछि ऋचा निराश छैनन् । उनले, सोमबारदेखि आफूहरुको फिल्मको शोज बढ्ने आशा व्यक्त गरिन् ।
बिहिबार बेलुकी हलमा पुगेकी ऋचाले ‘पुष्पा २’लाई ठूलो माछा र ‘तेल भिसा’लाई सानो माछाको संज्ञा दिइन् ।
ऋचाले सोमबारदेखि ‘तेल भिसा’को शो बढ्ने आशा राख्दै भनिन्–‘हामीलाई फिल्मको शोज बढ्छ भन्ने लागेको छ । किनकी, पुष्पा २ लामो समयसम्म चल्ने फिल्म हो जस्तो लाग्दैन । यस्ता फिल्महरु इनिसियल रुपमा बढी चल्छन् । हाम्रो फिल्म विस्तारै दर्शकको नजरमा पर्दै जान्छ र चल्छ । हलमा फिल्मको माग आएपछि शोज बढिहाल्छ नी ।’
यो फिल्मको व्यापारिक आँकडा भने सार्वजनिक गरिएको छैन । तीन दिनमा १ करोड ३६ लाख ग्रस गरेको बताइएपनि त्यसपछि फिल्मको आँकडा सार्वजनिक गरिएको छैन ।
शंकर घिमिरेको निर्देशनमा तयार भएको यो फिल्ममा विपिन कार्की, वर्षा राउत, पुजा चन्द, ऋचा घिमिरे, वुद्दि तामाङ लगायतका कलाकारहरुको अभिनय छ ।
प्रतिक्रिया