शोभितको ‘पीआर’

अष्ट्रेलियामा रहेका निर्देशक शोभित बस्नेतले नयाँ फिल्म निर्माणको घोषणा गरेका छन् । सलोन सलिना फिल्मस्को व्यानरमा निर्माण हुन लागेको फिल्मलाई शोभितले नै निर्देशन गर्नेछन् ।

आरएफएम फयासिलिटी मेनेजमेन्ट अष्ट्रेलिया र ल्यान्ड वे डम्प्लिङ सिड्नीको प्रस्तुतीमा यो फिल्म निर्माण हुन लागेको हो । प्रदीप दाहाल र गणेश केसी फिल्मका कार्यकारी निर्माता हुन् । फिल्मका लागि हाल अष्ट्रेलियाका विभिन्न स्थानमा अडिसन भइरहेको छ ।

यो फिल्ममा मानसराजको संगीत, शोभित बस्नेतको कथा, गणेश वुढाथोकीको पटकथा तथा संवाद छ । फिल्मको सम्पूर्ण छायांकन अष्ट्रेलियामा नै हुने बताइएको छ । फिल्मका लागि सम्पूर्ण कलाकार र प्राविधिक पनि अष्ट्रेलियाबाटै छनोट गरिने शोभितको भनाई छ । आउँदो बर्षबाट यो फिल्मको छायांकन सुरु हुनेछ ।

फिल्मको सार्वजनिक पोष्टर विशेष छ । जहाँ, आधा शरीर पुरुष र आधा शरीर महिलाको बनाइएको छ । अष्ट्रेलिया जान लागेका महिला र पुरुषलाई यो पोष्टरले चित्रित गर्छ । साथमा, पोष्टरमा हवाइजहाज, अष्ट्रेलिया र नेपालको झण्डा पनि समावेश गरिएको छ । यसले, फिल्मले भन्न खोजेको कथा प्रस्तुत गर्छ ।