नायकत्रय राजेश हमाल, विराज भट्ट र निखिल उप्रेतीलाई लिएर निर्देशक रोज राणाले एक दशक अगाडि फिल्म ‘खलनायक’ निर्माण गरेका थिए । यो फिल्मले बक्स अफिसमा राम्रो पैसा कमायो ।
अब, उनै रोजले नयाँ फिल्म ‘खलनायक २’ बनाउने तयारी गरेका छन् । यो फिल्मलाई चन्द्र पन्तले निर्देशन गर्ने पनि पक्का भएको छ ।
रोजको यो फिल्ममा को कलाकार हुने छन् भन्ने खुलेको छैन । फिल्ममा मौनता श्रेष्ठको कथा, दयाराम पाण्डेको गीत हुनेछ ।
फिल्मका लागि नयाँ तथा पुराना कलाकारहरुलाई लिएर काम गर्ने तयारी निर्माणपक्षको छ । माघ महिनाबाट छायांकनमा जाने फिल्मलाई एक्सनप्रधान बनाउने तयारी गरिएको छ ।
नेपालमा फेरि एक्सन फिल्मको क्रेज बढिरहेको समयमा रोजले पनि हिट फिल्मको नाम सापटी लिएर नयाँ फिल्म बनाउन लागेका हुन् । राजनीतिमा लागेपछि रोज फिल्म निर्माणमा खासै सक्रिय थिएनन् । तर, भने अब उनी ‘खलनायक २’बाट निर्माणमा फर्किन लागेका हुन् ।
प्रतिक्रिया