किन अनमोललाई प्रहार गरिरहन्छन् प्रदीप ?

नायक प्रदीप खड्का र अर्का नायक अनमोल केसीको सुमधुर सम्बन्ध छैन । विशेषगरि, प्रदीप अनमोलमाथि कुनै न कुनै रुपमा व्यङ्ग्य गर्न पछि पर्दैनन् । अनमोल केसीमाथि उनको प्रहार बारम्बार सुनिन्छ ।

कहिले ‘प्रेमगीत ३’ रिलिजको समयमा होस् या कहिले अनमोलले फिल्म ‘रावायण’ छाडेको बेला नै किन नहोस्, प्रदीपले उनीमाथि प्रहार गरे ।

उनै, प्रदीपले आइतबार आयोजित एक कार्यक्रममा अनमोलको नाम त लिएनन्, तर अनमोल लगायत पारिवारिक पृष्ठभूमी बोकेर फिल्ममा आएका कलाकारहरुलाई ‘किराना पसल’ शैलीमा काम गरेको तर्क गरे ।

प्रदीप खड्काले यस्तो शैलीको फिल्म निर्माणलाई ‘फ्यामिली विजनेश’ भनेर तर्क समेत दिए । उनले, नाम नलिएपनि अनमोल केसीमाथि नै बढी उनको प्रहार थियो भनेर वुझ्न समय लाग्दैन ।

आखिर, प्रदीप अनमोलमाथि किन बारम्बार घुमाएर प्रहार गरिरहन्छन् । अनमोलले आजसम्म प्रदीपको बिषयमा सार्वजनिक रुपमा कुनै पनि टिप्पणी गरेका छैनन् । तर, प्रदीप भने मौका पायो कि अनमोलमाथि प्रहार गरिहाल्छन् ।

अनमोल र प्रदीपले सार्वजनिक रुपमा कही कतै पनि दुश्मनी देखाएका छैनन् । तर, आन्तरिक रुपमा यी दुईविच शितयुद्ध देखिन्छ । अझ, विशेषगरि नायक खड्काबाट बढी शितयुद्ध अगाडि बढेको उनकै तर्कहरुबाट सुन्ने गरिन्छ ।