भारतीय बक्स अफिसमा अल्लु अर्जुन र रश्मीका मन्दना अभिनित फिल्म ‘पुष्पा २’ले आक्रामक व्यापार गरिरहेको छ । यो फिल्मले विश्व बजारबाट ४ दिनमै ८ सय करोड माथिको व्यापार गरिसकेको छ ।
यो फिल्मले हिन्दी भाषामा समेत बक्स अफिसमा सुनामी ल्याइरहेको छ । यसअघि निर्माण भएका हिन्दी फिल्मले बनाएको सबै रेकर्ड भत्काउँदै यो फिल्मले नयाँ रेकर्ड बनाएको छ ।
यो फिल्मले एकैदिनमा ८६ करोडको व्यापार गर्दै नयाँ रेकर्ड बनाएको छ । हिन्दी भाषामा यो फिल्मले आइतबार ८६ करोडको व्यापार गर्यो । यो फिल्मले बिहिबार हिन्दी भाषामा ७२ करोडको कमाई गर्दै ओपनिङ रेकर्ड बनाएको थियो ।
फिल्मले शुक्रबार ५९ करोड, शनिबार ७४ करोडको व्यापार गर्यो । आइतबार, फिल्मले ८६ करोडको व्यापार गर्दै नयाँ रेकर्ड बनायो । फिल्मले हिन्दी भाषामा मात्र चार दिनमा भारतीय बक्स अफिसमा २९१ करोडको व्यापार गरेको छ । यो ऐतिहासिक व्यापार हो ।
फिल्मले विश्व बजारबाट २ हजार करोड कमाउने संभावना पनि उच्च देखिएको छ । सुकुमार निर्देशित यो फिल्मलाई दर्शकले निकै रुचाएका छन् । जसकाकारण, बक्स अफिसमा यो खालको उछाल देखिएको हो ।
प्रतिक्रिया