फागुन २९ मा रिलिज हुँदै ‘पिताम्बर’

कृषा चौलागाइको निर्देशनमा तयार भइरहेको फिल्म ‘पिताम्बर’को प्रदर्शन मिति तोकिएको छैन । यो फिल्मको हाल पोष्ट प्रोडक्सनमा काम भइरहेको छ ।

वुझिएअनुसार, यो फिल्मलाई फागुनको २९ गतेबाट रिलिज गर्न लागिएको छ । फिल्मको निर्माणपक्षले पनि अहिलेसम्म फागुनको २९ गतेबाट फिल्म रिलिज गर्ने तयारी गरिएको जानकारी दिएको छ । यति अर्को कुनै निर्णय भएन भने, अहिलेसम्म फागुनको २९ गतेलाई नै प्रदर्शन मिति लक गरिएको छ ।

यो फिल्ममा कलाकारहरुको लामो लाइनअप छ । फिल्ममा प्रदीप खड्का, सौगात मल्ल, दयाहाङ राई, सुरक्षा पन्त, दिव्या रायमाझी, सुपुष्पा भट्ट, दिव्य देव लगायतका कलाकारहरुको अभिनय छ ।

पुरुषोत्तम प्रधानको छायांकन, हिमाल केसीको एक्सन रहेको यो फिल्मलाई कृषाले आफ्नो महत्वकांक्षी प्रोजेक्टको रुपमा हेरेकी छिन् । फिल्ममा नायक प्रदीप खड्काले गज्जबको एक्सन गरेको वुझिएको छ । फिल्मको कथावस्तुको बिषयमा निर्माणपक्षले अहिलेसम्म केही पनि खुलाएको छैन ।