अलिजेह र आयुसको टिकटक आइडी गायब

काठमाडौं– चर्चित टिकटकर अलिजेह जमेलीको आइडि टिकटकबाट गायब भएको छ । अलिजेह जमेली नाममा रहेको उनको २२ लाखभन्दा बढी फलोअर्स रहेको आईडी गायब भएको हो । यस्तै आयुसको करिब २० लाख फलोअर्स रहेको टिकटक अकाउन्ट पनि टिकटकबाट गायब भएको छ ।

पाकिस्तानी मुलकी अलिजेह र नेपालका आयुष नेपालका चर्चित टिकटकर हुन् । पछिल्लो समयमा आयुषले नयाँ घर बनाएको फोटो, भिडियो सार्वजनिक गरेपछि सबैको नजरमा परेका थिए ।

सो लगत्तै आयुष र उनको आमाको बीचको टकराव पनि टिकटकलगायत सामाजिक सञ्जालमा छताछुल्ल भएको थियो । त्यसयता उनीहरुका फलोअर्सले आयुष र उनका आमाको मध्ये एकजनाको समर्थन जनाउँदै सामाजिक सञ्जालमा भिडियो तथा स्टाटसहरु पोष्ट गरेका थिए । उनीहरुकी बिच आयुषकी हुनेवाला श्रीमती अलिजेहको बारेमा पनि विभिन्न किसिमका टिप्पणी हुने गरेका थिए ।

यसको प्रतिकार गर्दै अलिजेहले ‘नेपालको टिकटक अलिजेह र आयुषले गर्दा नै चलेको’ प्रतिक्रिया दिएकी थिइन् । आफूलाई अरु देशबाट आएको कारण नराम्रो व्यवहार गरेको भन्दै म यहिँ बस्छु जे गर्नसक्छौ गर भन्ने प्रतिक्रिया दिएकी थिइन् । उनले सो भिडियोमा नेपालीहरुको बारेमा बोलिरहँदा ‘हिजडे’ शब्दको प्रयोगसमेत गरेकी थिइन् ।
अलिजेहको उक्त भिडियोप्रति धेरैले आपत्ती जनाएका छन् । उनको उक्त अभिव्यक्ति ठीक नभएको भन्दै आक्रोशित हुँदै टिकटक बनाएका छन् । कतिपयले अलिजेहको टिकटकलाई रिपोर्ट गर्नुपर्ने भन्दै प्रतिक्रिया दिएका थिए ।

अलिजेहविरुद्ध अपमानजकन शब्द प्रयोग गरेको भन्दै उजुरी समेत हालिएको चर्चा छ । यसैक्रममा अलिजेह र आयुषको टिकटक आइडी गायब हुनुलाई धेरैले चासोको रुपमा हेरेका छन् ।