‘माग्ने बुढा’को पारिश्रमिक ४० लाख ?

नेपाली फिल्म क्षेत्रमा कलाकार केदार घिमिरे ‘माग्ने बुढा’को माग चुलिएको छ । उनको हातमा फिल्म नै फिल्म छ । माग्नेले नयाँ फिल्म साइन गरेका छन्, जसको नाम ‘माग्ने राजा’ राखिएको छ । नामकै कारणले पनि यो फिल्ममा केदार नै शिर्ष भूमिकामा देखिन लागेको वुझ्न सकिन्छ ।

ऋषि लामिछानेको निर्देशनमा मुनाल घिमिरेको निर्माण रहने यो फिल्मका लागि केदारले पारिश्रमिक राम्रो लिएका छन् ।

वुझिएअनुसार, केदारले यो फिल्मका लागि ४० लाख रुपैयाँ पारिश्रमिक लिएका छन् ।

श्रोतका अनुसार, फिल्ममा काम गरेको केदारले ६० लाखसम्म पारिश्रमिक डिमाण्ड गर्ने गरेका छन् । उनलाई लोभलाग्दो पारिश्रमिक दिएर निर्माताले फिल्ममा अनुवन्धित पनि गरिरहेका छन् ।

केदारको हातमा ‘जेरी अन टप, कंगारु, माइतीघर’ लगायतका फिल्म पनि छन् । उनले, केही बर्ष ‘छक्का पन्जा’ टिमसँग सहकार्य गर्न छैनन् । अब, उनको टिमअप दीपकराज गिरी र दीपाश्री निरौलासँग एकैपटक फिल्म ‘छक्का पन्जा ६’मा हुनेछ ।