आर्शिवादको ‘श्री बुकुरो’को फस्टलुक यस्तो

फिल्म ‘नाई नभन्नु ल ६’बाट फिल्म क्षेत्रमा डेब्यू गरेका नायक आर्शिवाद क्षेत्रीको नयाँ फिल्म केही महिनामै रिलिज हुने भएको छ । उनले, अभिनय गरेको फिल्म ‘श्री बुकुरो’को फस्टलुक रिलिज गर्दै पोष्ट प्रोडक्सनको काम अगाडि बढाएको जानकारी दिइएको छ ।

पारिवारिक कथामा निर्माण भएको यो फिल्ममा लक्ष्मी गिरी, आर्शिवाद क्षेत्री, निकिता आचार्य, प्रतिकराज न्यौपाने, रोशनी कार्की, राजन इशान, दीपिका थापा, लय संग्रौला, रामबाबु रेग्मी, मोहन निरौला, रश्मी भट्ट, उत्तम केसी, गीता थापा, सपना श्रेष्ठ, आशिका शाही, दीपक कार्की, रजिना विश्वकर्मा लगायतका कलाकारहरुको अभिनय छ ।

सुदिप भूपाल सिंहको निर्देशनमा तयार भएको यो फिल्ममा रुवी सेन सिंहको लगानी छ । फिल्ममा सञ्जय लामा र राजेश श्रेष्ठको छायांकन, रञ्जित गजमेर र बसन्त सापकोटाको संगीत छ । यो फिल्मको छायांकन मुस्ताङ, बाग्लुङ, कास्की, दमौली, मकवानपुर र काठमाडौंमा गरिएको हो ।

हाल यो फिल्मको धमाधम पोष्ट प्रोडक्सनको काम चलिरहेको र केही दिनमै टिजर सार्वजनिक गर्ने तयारी यसको निर्माणपक्षले गरेको छ ।