बक्स अफिसमा फिल्मको बम्पर व्यापारले लगानीकर्तालाई उत्साहित बनाएको छ । जसकाकारण, निर्माताहरु फिल्म निर्माणमा अग्रसर देखिएका छन् ।
अहिले धमाधम छायांकन भइरहेका फिल्मको संख्या र छायांकनका लागि तयार भएका फिल्मको संख्याले पनि यो कुराको संकेत गर्छ ।
दशैं र तिहारमा देखिएको फिल्मी माहोलले मेकरहरुलाई उत्साहित बनाएको हो । जसकाकारण, उनीहरु फिल्म निर्माणमा अग्रसर देखिएका हुन् । बजारमा दर्जन फिल्मको छायांकन भइरहेको छ भने दर्जन बढी फिल्म छायांकनको तयारीमा छन् ।
हाल छायांकन भइरहेका फिल्महरुमा ‘बलिदान, नरसिंहाः अवतार, होस्टेल ३, लाज शरणम्, डोरी, रिमै, जेरीः अन टप, बसन्त’ लगायतका फिल्म छन् । यी फिल्महरुले बक्स अफिसमा सुखद व्यापार गर्ने अड्कलबाजी अहिले नै लगाउन थालिएको छ ।
यी बाहेक दर्जन फिल्मको छायांकनको तयारी निर्माताहरुले गरिरहेका छन् । यसले, फिल्मकर्मीलाई सर्वाधिक व्यस्त बनाएको छ । प्राविधिक, कलाकारहरुलाई भ्याइनभ्याई छ ।
यसरी, धमाधम फिल्म रिलिज हुँदा प्रदर्शन मितिको भने अभाव हुने पक्का छ । जसकाकारण, फिल्महरु एक आपसमा जुध्ने संभावना उच्च छ ।
प्रतिक्रिया