काठमाडौँ- रोल्पामा ट्रयाक्टर दुर्घटना हुँदा एकको मृत्यु भएको हो। जिल्लाको सुनछहरी गाउँपालिका ३ मौलावाङका ३३ वर्षीय बर्मान बुढा मगरको मृत्यु भएको छ ।
स्थानीय डाङ्जास्थित कच्ची सडक खण्डको भित्रीगामबाट बाहिरीगामतर्फ जाँदै गरेको रा १ त ४१९८ नम्बरको ट्रयाक्टर दुर्घटना हुँदा चालक बर्मान बुढा मगरको मृत्यु भएको जिल्ला प्रहरी कार्यालय रोल्पाको सञ्चार शाखाले जनाएको छ ।
दुर्घटनाबारे मंगलबार राति साढे दस बजेतिर प्रहरी चौकी गाममा स्थानीयले खबर गरेका थिए । बर्मान दुई सय मिटर मुनि भिरमा मृत अवस्थामा फेला परेका थिए। ट्रयाक्टर भने तीन सय मिटर मुनि खोलामा खसेको अवस्थामा फेला परेको प्रहरीले बताएको छ।
प्रतिक्रिया