रविलाई अझै ५ दिन हिरासतमा राख्न प्रहरीले पायो अनुमति

काठमाडौं– सहकारी ठगी प्रकरणमा हिरासतमा रहेका रास्वपाका सभापति रवि लामिछानेलाई थप ५ दिन हिरासतमा राख्न अदालतले अनुमति दिएको छ ।

बिहीबार न्यायाधीश चन्द्रकान्त पौडेलको इजलासले उनलाई ५ दिन हिरासतमा राख्न आदेश दिएको हो । सहकारी ठगी प्रकरणमा लामिछानेमाथि कास्की प्रहरीले अनुसन्धान गरिरहेको छ।

कात्तिक २ गते काठमाडौंबाट पक्राउ परेका लामिछाने प्रहरी हिरासतमा रहेको ५५ दिन पुगेको छ । यसअघि उनलाई विभिन्न ५ जिल्लामा घुमाएर फरकफरक सहकारीको रकम अपचलको विषयमा बयान लिईएको थियो ।