फिल्म ‘माइतीघर’मा भित्रिएसँगै दिकिला शेर्पाको चर्चा नेपाली मिडियामा चल्न थालेको छ । यसपटक, रोहितले आफ्नो फिल्ममा नयाँ नायिका भित्राएका छन् । उसो त, फिल्ममा मुख्य नायिकाको रुपमा उपासना सिंह ठकुरीले काम गर्ने पक्का भइसकेको छ । फिल्ममा केदार घिमिरे र प्रकाश सपुतले पनि काम गर्ने फाइनल भइसकेको छ ।
फिल्मका लागि अझै एक जना नायक फाइनल गर्न बाँकी छ । फिल्ममा नायक धिरज मगर भित्रिन लागेको चर्च पनि छ ।
आखिर, रोहितले किन दिकिलालाई फिल्ममा भित्राए त ? रोहित भन्छन्–‘हामीलाई उहाँ जस्तै एक जना पात्र आवश्यक थियो । उहाँको केही भिडियो हेरेपछि हामीले फिल्ममा भित्राउने निर्णय गरेका हौं ।’
दिकिला भारतको चर्चित रियालिटी शो ‘स्प्लिट्भिल्ला सिजन ५’मा पनि सहभागी भएकी थिइन् । साथै, उनले ‘झिम झिमाउने आँखा’ बोलको गीतको म्युजिक भिडियोमा पनि काम गरिसकेकी छिन् ।
यो फिल्मलाई आउँदो बर्षको दशैंको फूलपातिबाट रिलिज गर्ने तयारी निर्माणपक्षको छ । मिलन तामाङले यो फिल्मको निर्देशन गर्दैछन् ।
प्रतिक्रिया