घट्यो सुनको मूल्य

काठमाडौं– नेपाली बजारमा आज सुनचाँदीको मूल्य घटेको छ । सुनको मूल्य प्रतितोला एक हजार दुई सय र चाँदी प्रतितोला ६५ रुपैयाँले घटेको हो ।

बिहीबार सुन प्रतितोला एक लाख ५४ हजार दुई सय रुपैयाँमा कारोबार भएकामा आज प्रतितोला रू। एक लाख ५३ हजार कायम भएको नेपाल सुनचाँदी व्यवसायी महासङ्घले जनाएको छ ।

त्यसैगरी चाँदी बिहीबार प्रतितोला एक हजार नौ सय २५ रुपैयाँमा कारोबार भएकामा आज एक हजार आठ सय ६० रुपैयाँमा कारोबार भइरहेको छ ।