चितवनमा भएका सवारी दुर्घटनामा एक जनाको मृत्यु

काठमाडौँ- चितवनको भरतपुर महानगरपालिका–२९ दासढुङ्गास्थित सडकमा बा.प्र.०३–००१ ख २५२४ नम्बरको ट्रक र बा.प्र.०१–०१३ च ०११३ नम्बरको बोलेरो एक आपसमा ठक्कर खाई बिहीबार राति दुर्घटना हुँदा बलेरोमा सवार हाल वतन नखुलेका ३५ वर्षीय भिम कटुवालको मृत्यु भएको छ ।

दुर्घटनामा गम्भीर घाइते भएका उनको नयाँ मेडिकल कलेज भरतपुरमा उपचारको क्रममा मृत्यु भएको हो र साथै दुर्घटनामा घाइते भएका बोलेरो चालकको सोही अस्पतालमा उपचार भइरहेको छ । ट्रक चालकलाई प्रहरीले नियन्त्रणमा लिएका हुन्् । दुर्घटनाका सम्बन्धमा प्रहरीले आवश्यक अनुसन्धान भइरहेको बताए ।