काठमाडौं– अहिले विश्वभरका हलहरुमा तहल्का पिटेको ‘पुष्पा–२ द रुल’ का अभिनेता अल्लु अर्जुन पक्राउ परेका छन् । हैदरावाद प्रहरीले अभिनेता अल्लु अर्जुनलाई उनको घरबाट पक्राउ गरेको हो ।
बक्स अफिसमा अल्लु अर्जुनको फिल्म पुष्पा २ ले एक पछि अर्को रेकर्ढ तोड्दै विश्वभर १ हजार करोड भारु कमाइसकेको छ । यस्तो अवस्थामा अल्लु अर्जुनको अचानक गिरफ्तारीप्रति धेरैले चासो देखाएका छन् ।
सन्ध्या थियटरमा ‘पुष्पा २’ को प्रिमियरमा भागदौड मच्चिँदा एक महिलाको मृत्यु भएको थियो। डिसेम्बर ४ मा ३५ वर्षीया महिलाको मृत्यु र उनका चार वर्षीय छोरा घाइते भएका थिए।
यस घटनामा मृतकका आफन्तहरूले अल्लू अर्जुनविरूद्ध पनि जाहेरी दिएका थिए। यसै मामिलामा सोधपुछ गर्न उनलाई पक्राउ गरिएको भारतीय सञ्चारमाध्यमले जनाएका छन्।
मृतक महिलाको नाम रेवती बताइएको छ। एक प्रहरी अधिकारीका अनुसार उनी एक बच्चालाई बचाउने प्रयास गरिरहेकी थिइन्।
सुकुमार बान्द्रेडीको लेखन तथा निर्देशन रहेको फिल्म ुपुष्पा २ु मा अल्लू अर्जुनसहित रश्मिका मन्दना, फरद फासिल, जगपति बाबु, धनुञ्जय, राव रमेश, सुनील लगायतको अभिनय छ। नवीन येर्नेनी र रविशंकर यममाञ्चिली फिल्मका निर्माता हुन्। एक्सन, क्राइम र ड्रामा जनराको यो फिल्मको रनटाइम ३ घण्टा २१ मिनेट छ।
प्रतिक्रिया