विनय र सुपुष्पाको ‘फेरि रेशम फिलिली’ फागुन १४ बाट रिलिज हुने

फागुन १६ गतेबाट फिल्म ‘होस्टेल ३’ पोष्टपोन्ड भएपछि यो मितिमा नयाँ फिल्म रिलिज हुने भएको छ । रौनक विक्रम कँडेलको निर्माणमा तयार भएको फिल्म ‘फेरि रेशम फिलिली’ अब फागुनको १४ गतेबाट रिलिजमा आउने पक्का भएको छ ।

निर्माणपक्षले फिल्मको फस्टलुक सार्वजनिक गर्दै फागुन १४ गतेलाई प्रदर्शन मिति तय गरेको हो । यो फिल्मको फस्टलुकमा नायक विनय श्रेष्ठ र नायिका सुपुष्पा भट्टलाई देख्न सकिन्छ । यी दुबैको तस्विरले प्रेमको भावना व्यक्त गर्छ ।

निरोज महर्जनको निर्देशनमा तयार भएको यो फिल्ममा कामेश्वर चौरासिया, प्रकाश घिमिरे, शिशिर वाङ्देल, रविन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापा लगायतका कलाकारहरुको अभिनय छ ।

सुरज बम ठकुरी कार्यकारी निर्माता रहेको फिल्ममा सुसन प्रजापतिको छायांकन, आकाश बराल र निर्देशक महर्जनको पटकथा, नरेश किङ्ग योगीको एक्सन, कालीप्रसाद बाँस्कोटा, एसडी योगी, हर्क साउद, जयन जे वाइवा र दीपक शर्माको संगीत छ ।

एनी थापा सह–निर्माता रहेको फिल्मलाई सुरेन्द्र पौडेलले सम्पादन गरिरहेका छन् । यो मितिमा ‘मायाबी र लाज शरणम्’ पनि रिलिज हुने पक्का भइसकेको छ ।