अवैध लागूऔषध खैरो हेरोइनसहित एक जनालाई पक्राउ

काठमाडौँ- कैलालीको टिकापुर नगरपालिका–९ खक्रौलाबाट अवैध लागूऔषध खैरो हेरोइनसहित प्रहरीले एक जनालाई पक्राउ गरेको हो । पक्राउ पर्नेमा दुर्गानगर बस्ने २१ वर्षीय सागर चौधरी रहेका छन् ।

उनको साथबाट २ ग्राम १ सय ५० मिलिग्राम खैरो हेरोइन बरामद गरिएको जिल्ला प्रहरी कार्यालय कैलालीले जानकारी दिएको छ । प्रहरी चौकी कालाकुण्डा र ईलाका प्रहरी कार्यालय टिकापुरबाट खटिएको टोलीले उनलाई पक्राउ गरेर अनुसन्धान गरिरहेको छ ।