कस्तो छ दया र आँचलको ‘दुखी आत्मा’को पोष्टर ?

फिल्म ‘दुखी आत्मा’को ३ वटा पोष्टर सार्वजनिक गर्दै प्रचार आरम्भ गरिएको छ । सार्वजनिक ३ पोष्टरमा कलाकारहरुको फरक फरक मुड हेर्न सकिन्छ ।

दीपेन्द्र लामाको निर्देशनमा तयार भएको फिल्मको तीन पोष्टरमध्ये एउटामा नायक दयाहाङ राइलाई सिंगल देखाइएको छ । यस्तै, अर्को एक पोष्टरमा दया नायिका आँचल शर्मासँग रोमान्टिक देखिएका छन् ।

अर्को एक पोष्टरमा भने फिल्मका मुख्य कलाकारहरु अनुप विक्रम शाही, वुद्दि तामाङ, रेअर राई, लोकेन्द्र लेखक र आशान्त शर्मालाई प्रस्तुत गरिएको छ । फागुनको २ गतेबाट रिलिजमा आउने यो फिल्मको पोष्टरले दर्शकलाई फिल्मबारे उत्सुकता जगाउने अपेक्षा निर्माणपक्षको छ ।

क्लक वर्क क्रियशनको ब्यानरमा निर्माण भएको यो फिल्ममा हिमाल कडरियाको लगानी छ । सुदिप ढकाल कार्यकारी निर्माता रहेको यो फिल्ममा कवि श्रवण मुकारुङको १० पेचिला कविता पनि समावेश गरिएको छ ।

आलोक शुक्लाको डीओपी रहेको यो फिल्ममा निमेष श्रेष्ठको सम्पादन छ ।