आधा दर्जन कलाकार किन अमेरिका उडे ?

नेपाली फिल्म क्षेत्रमा आधा दर्जन कलाकारहरु अमेरिका उडेका छन् । वरिष्ठ कलाकार निर शाह, नायक भुवन केसी, निर्देशक दीपाश्री निरौला, नायिका आँचल शर्मा, कार्यक्रम संचालिका रीमा विश्वकर्मा, कलाकार केदार घिमिरे ‘माग्ने बुढा’ आज अमेरिका उडेका हुन् ।

अमेरिकामा डिसेम्बर २१ तारिखमा आयोजना हुन लागेको ‘गोल्डेन नेपाली फिल्म अवार्ड २०२१’मा सहभागी हुन आधा दर्जन कलाकारहरु अमेरिका उडेका हुन् । बिहिबार अझै केही नाम चलेका कलाकारहरु अमेरिका उड्ने आयोजकले बताएको छ ।

यस्तै, नायक अनमोल केसी केही दिन अगाडि नै अमेरिका पुगिसकेका छन् । नाम चलेका दर्जन बढी कलाकारहरुको सहभागीतामा डिसेम्बर २१ मा यो अवार्डको आयोजना हुन लागेको हो ।

केही साता अगाडि मात्र अमेरिकाबाट फर्किएका नायक भुवन केसी प्रेमिका जीया केसीको साथमा फेरि अमेरिका उडेका छन् ।