भेडेटारबाट धरानतर्फ जाँदै गरेको कारमा १९० किलो गाँजा बरामद

काठमाडौँ- सशस्त्र प्रहरी बलले सुनसरी धरान उपमहानगरपालिका १३ शिवधारास्थित कोशी लोकमार्गबाट करिब १९० किलोग्राम गाँजा बरामद गरेका छन् ।

भेडेटारबाट धरानतर्फ जाँदै गरेको बा १० च ६८५२ नम्बरको कारको डिक्कीमा प्लाष्टिकले प्याकिङ गरी ल्याउँदै गरेको उल्लेखित परिमाणको गाँजा सशस्त्र प्रहरी बल, नेपाल सुरक्षा वेश धरानले बरामद गरेको सहप्रवक्ता एवं डिएसपी शैलेन्द्र थापाले जनाएका छन् ।

चेकजाँचका लागि रोक्ने क्रममा चालक सडकमा कार छाडेर फरार भएका छन् भने सोही कारलाई पछ्याउँदै आएको को ३५ प २०४५ नम्बरको मोटरसाइलकमा सवार २ जनालाई गाँजा तस्करीमा संलग्न रहेको शंकास्पद अवस्थामा देखिएपछि हिरासतमा लिइएको छ। बरामद गाँजा, कार, मोटरसाइकल र व्यक्तिलाई आवश्यक कारवाहीको लागि सम्बन्धित निकायमा बुझाइएका छन् ।