ट्रकको ठक्करबाट मोटरसाइकल चालक सोनु गुरूङको मृत्यु

काठमाडौँ- दाङको देउखुरीमा ट्रकको ठक्करबाट मोटरसाइकल चालकको मृत्यु भएको हो ।

पूर्व पश्चिम राजमार्ग अन्तर्गत राप्ती गाउँपालिका २ लालमटिया कटेशनाला नजिक पश्चिमबाट पुर्वतर्फ जाँदै गरेको बा ४ ख २२६१ नम्बरको ट्रकले विपरीत दिशाबाट आइरहेको रा ८ प ४१४६ नम्बरको मोटरसाइकललाई सोमबार बेलुका साढे ६ बजेतिर ठक्कर दिएको छ ।

ठक्करबाट मोटरसाइकल चालक राप्ती गाउँपालिका ३ बसन्तपुर निवासी १८ वर्षीय सोनु गुरूङको मृत्यु भएको इलाका प्रहरी कार्यालय भालुवाङले बताएको छ। ठक्करबाट गम्भिर घाइते भएका गुरुङको राती नै मृत्यु भएको प्रहरीले बताएको छ। ठक्कर दिने ट्रक र चालकलाई प्रहरीले हिरासतमा लिएको छ ।