हेलिकोप्टरद्धारा गर्भवतीको उद्धार

काडमाडौँ- हिमाली जिल्ला डोल्पाको उत्तरी क्षेत्रमा पर्ने उपल्लो डोल्पाबाट गर्भवतीको उद्धार गरिएको हो । डोल्पोबुद्ध गाउँपालिका ५ तिन्जे गाउँ बस्ने २१ वर्षीया सोनाम साङ्मो गुरुङको नेपाली सेनाको हेलिकोप्टरबाट उद्धार गरिएको डोल्पाका सहायक प्रमुख जिल्ला अधिकारी दामोदर ज्ञवालीले जानकारि दिएका छन्।

तीन महिनाकी गर्भवती गुरुङको एक्कासि तल्लापेट दुख्न सुरु भई पिप बग्न थालेपछि राष्ट्रपति महिला उद्धार कोष कार्यक्रम मार्फत हेलिकोप्टरबाट उद्धार गरि उपचारका लागि कर्णाली प्रदेश अस्पताल सुर्खेत लगिएको सहायक प्रमुख जिल्ला अधिकारी ज्ञवालीले जनाए ।

सुत्केरी हुनुभन्दा छ महिना अगावै तल्लो पेट दुखेर सिकिस्त बिरामी परेपछि उद्धार सँगै उपचारका लागि समन्वय गरिदिन अनुरोध गर्दै डोल्पोबुद्ध गाउँपालिकाले जिल्ला प्रशासन कार्यालय डोल्पालाई पत्र लेखेको हो।