बालिका बलात्कारको आरोपमा १ जना पक्राउ

काठमाडौँ- धनकुटामा बालिका बलात्कार गरेको आरोपमा एक जना पक्राउ परेका हुन् ।

पक्राउ पर्नेमा धनकुटा नगरपालिका ३ स्याउले मोड डेरा गरी बस्ने सिन्धुलीको सुनकोशी गाउँपालिका ७ गैरीटोलका २१ वर्षीय लीलाबहादुर विश्वकर्मा रहेका छन् । १५ वर्षीया बालिकालाई जबरजस्ती करणी गरेको अभियोगमा उनलाई मंगलबार साँझ पक्राउ गरिएको प्रहरीले बताए ।​​​

लीलाबहादुरले ती बालिकालाई सोमबार राति आफ्नै कोठामा लगेर​ जबरजस्ती करणी गरेको भन्ने उजुरीको आधारमा जिल्ला प्रहरी कार्यालय धनकुटाबाट खटिएको प्रहरीले उनलाई पक्राउ गरेका हुन् । थप अनुसन्धान भइरहेको प्रहरीले बताए ।