अमेरिकामा आयोजना हुन लागेको एक फिल्मी अवार्डका लागि पुगेका नायक अनमोल केसी भजन कृतनमा रमाएका छन् ।
सामाजिक संजालमा कलाकार केदार घिमिरेले पोष्ट गरेको एउटा भिडियोमा अनमोलसहित थुप्रै कलाकारहरु भजनमा रमाइरहेका छन् ।
भजनमा अनमोल केसी, केदार घिमिरेसँगै नायक भुवन केसी, शिव श्रेष्ठ, निर्देशक दीपाश्री निरौला, जिया केसी, जितु नेपाल, रिमा विश्वकर्मा लगायत भजन कृतनमा व्यस्त छन् । अधिकांश कलाकारहरु आखा चिम्लिएर भगवान्को नाम जपिरेहेको देख्न सकिन्छ ।
अमेरिकामा डिसेम्बर २१ तारिखमा आयोजना हुन लागेको पहिलो गोल्डेन नेपाली फिल्म अवार्डका लागि दर्जन बढी कलाकार पुगेका हुन् ।
नायिका आँचल शर्मा पनि अवार्ड समारोहमा पुगेकी छिन् । तर, भिडियोमा भने उनी देखिएकी छैनन् ।
नेपालका नाम चलेका कलाकारहरुलाई लगेर पछिल्ला वर्षमा विदेशमा थुप्रै अवार्ड कार्यक्रमहरु हुँदै आएका छन् । तर, यस्ता अवार्ड कार्यक्रमहरुको औचित्यमाथि भने प्रश्न उठिरहेको छ ।
प्रतिक्रिया