मोडल कविता नेपालीको डेब्यू फिल्म ‘एक्लो–१’ कहिले रिलिज हुन्छ पक्का छैन । तर, यसको निर्माणपक्षले आज उनको गेटअपसहितको पोष्टर भने सार्वजनिक गरेको छ ।
सार्वजनिक पोष्टरमा कवितालाई ‘एरियल’को भूमिकामा देखाइएको छ । कविताको गेटअपले पनि फिल्मप्रति र उनको भूमिकाप्रति दर्शकको चासो बढ्ने देखिन्छ ।
‘एक्लो’मा कविताको साथमा नायक प्रदीप खड्का, नायिका बेनिशा हमाल लगायतका कलाकारहरुको पनि अभिनय छ । निर्माणपक्षले यसअघि नायक खड्काको गेटअप सहितको पोष्टर पनि सार्वजनिक गरिसकेको छ ।
नेपालकै पहिलो साइन्स फिक्सन कथामा निर्माण भएको यो फिल्मलाई प्रदीप शाहीले निर्देशन गरेका हुन् । फिल्ममा क्षितिज सुवेदीको लगानी छ ।
यो फिल्मको पोष्ट प्रोडक्सनको काम बेलायतमा भइरहेको छ । फिल्मको उच्च भीएफएक्सको काम गर्नुपर्ने भएकाले यसको निर्माणपक्षले बेलायतमा काम गरिरहेको छ ।
यो फिल्मलाई सन् २०२५ मा रिलिज गर्ने बताइएको छ । यो फिल्मले नेपाली फिल्म भन्ने शैलीको कोर्स नै परिवर्तन गर्ने अपेक्षा धेरैको छ ।
प्रतिक्रिया